تعرضت الفنانة المصرية داليا البحيري لموقف أثار غضبها أثناء تواجدها بمطار القاهرة، حيث تم تفتيشها بشكل غير لائق.
داليا البحيري شرحت ما حدث عبر «فيس بوك»، وكتبت: «حزينة جدا جدا مما حدث معى فى مطار القاهرة، خضعت لكل قواعد التفتيش من خلع الحذاء والمشى على الأرض، للأسف فى منتهى القذارة، وأنا بلبس الجزمة لا مؤاخذة لقيت حد بيخبط على كتفى بلف لقيت موظفة أمن على وشها غضب ربنا، قلتلها فى حاجة؟! قالت لى تفتيش، قلتلها آه طبعا، وابتدت تحط إيديها عليا، قلتها ثانية واحدة! حتفتش ذاتى هنا؟!قدام الناس؟! مفيش غرفة تفتيش؟! بستارة؟! قالت مطلوب تتفتشى قدام الكاميرا.. نهار أسوح».
الفنانة المصرية أضافت: «قلت يمكن مفيش أوضة تفتيش، واتفتشت، واكتشفت إن فى غرف تفتيش موجودة وفاضية، روحت سألت الضابط المسئول، وقالي معلش أصل فيه ناس بترفض تتفتش فى الغرفة، هو بمزاجهم؟! طب أنا مارفضتش وأبديت استيائى وفى الآخر اعتذرلى، افتكرت الله يرحمه الأستاذ فؤاد المهندس، احسس واعتذر، إحنا ضايعين مفيش قانون! ليس لها من دون الله كاشف مأساة البلد دى شعبها».