شيرين عبدالوهاب تبكي في تسجيل صوتي جديد: أرحموني.. ما اعتزلتش علشان ابقى في حضن رجل.. فيديو
عبرت الفنانة المصرية شيرين عبدالوهاب، عن استيائها الشديد مما تردد عن أنها اعتزلت الفن، من أجل رجل.
شيرين قالت، في تسجيل صوتي جديد: “انا مش ممكن أكون فكرت في الاعتزال علشان ابقى في حضن رجل، ايا كانت صفته في حياتي، انا دلوقتي أم وبمارس أمومة كنت محرومة منها لفترة طويلة، أنا الفترة اللي فاتت اشتغلت وعملت حاجات كتير اوي كانت صعبة عليا بس الحمدلله”.
وأكدت: “انا ما سيبتش الفن علشان قصة حب، لأنه مش معقول إنسان واحد يكون سبب في إني أتعس كل الناس اللي بتحبني وبتحترمني، وعايزة اقول للناس أرحموني أنا بربي بنتين ونفسيتي تعبانة شوية وبحاول أتدفى ببناتي وبأقرب الناس ليا”.
ثم بكت خلال حديثها، وقالت: “صعبان عليا كل الوسط الفني، في فنانين كتير وقفوا معايا وبشكرهم من كل قلبي وبقولهم ألف شكر على جمال قلبكوا”، وتابعت: “أنا مش عارفة إذا كنت هرجع ولا مش هرجع دي حاجة بتاعت ربنا”.
وعما تردد عن نيتها السفر خارج مصر، قالت: “انا مش هسيب بلدي ومش هسافر أي حتة، أنا قاعدة في البيت اللي جمب مدرسة بناتي علشان أهتم بيهم، لكن مش هسيب بلدي واسافر”.
وكانت الإعلامية نضال الأحمدية قد قالت في مداخلة هاتفية ببرنامج “صح النوم”، أن من أسباب اعتزال شيرين مرورها بقصة حب فاشلة تسببت في تدميرها وتحويلها لإنسانة جريحة، مشيرة إلى أن الفنانة كانت مرتبطة عاطفية بأحد الشخصيات الشهيرة جدا.
