تعبان وبيعيط.. زوجة عصام صاصا تكشف حالة زوجها بعد قرار حبسه في واقعة الدهس
كشفت جهاد ماهر زوجة مطرب المهرجانات عصام صاصا، أن زوجها لا يستطيع أن يظهر لجمهوره ويكشف تفاصيل حادث دهسه أحد الأشخاص بسبب الأذى النفسي الذي يعيشه، كما نفت الحكم عليه بسبع سنوات، موضحة أن نتيجة تحليل المخدرات لم تظهر بعد.
وأكدت زوجة عصام صاصا أن لديها كافة الإثباتات والأدلة على أن الحادث قتل خاطئ وأضافت، في ستوري لها عبر فيسبوك أن عصام صاصا في حالة انهيار موضحة: جوزي تعبان وكل ما ييجي يتكلم مع حد يفتكر الموقف ويعيط، ومش لازم بقى يطلع يقول لكم شوفوني يا جماعة أنا مكسور إزاي ومتدمر، وعيب اللي بتعملوه ده وربنا ما يحطكم في اللي هو فيه وأكدت أن عصام صاصا لم يحكم عليه حتى الآن: ممكن تبطلوا قرف عصام مخدش 7 سنين ومفيش حكم أصلا.
وأضافت: بتقولوا عصام كان شارب معرفش إيه، ولحد دلوقتي نتيجة التحاليل مظهرتش وحاسة أن شوية وهتقولوا عليه إرهابي وسارق فلوس الناس، ولا علشان إحنا مش بنرد فأنتم هتسوقوا فيها، وما تقلقوش هانت وكل واحد عمل فيلم ما يزعلش والحساب يجمع.
وفي تدوينة أخرى، تذكرت زوجة عصام صاصا محنة كانا قد مرا بها ولصبرهما عليها عوضهما الله، إذ كتبت: مرة من 4 سنين وقعنا في مشكلة كنت أنا وعصام لوحدنا وعشنا أيام وحشة، ومحدش كان بينصحني ولا حد كان واقف معانا بس بعدها لما صبرنا ربنا عوضنا عوض كبير أوي في الرزق وحي الناس والشغل.
واستكملت: دلوقتي في عز كسرتي واثقة في قضاء ربنا، وعارفة إن ده امتحان ودرس من عند ربنا وعلى قد ما هنصبر على قد ما هتفرج.
وتسبب عصام صاصا في وفاة شخص يدعى أحمد مفتاح يبلغ من العمر 40 سنة، وذلك بعد دهسه أعلى دائري المنيب يوم الاثنين الماضي الموافق 6 مايو الجاري، وبعد إخلاء سبيله بكفالة مالية، صدر أمر بالقبض عليه بعد ثبوت تناوله موادا مخدرة متنوعة.
