نشر الفنان هشام ماجد، صورة جديدة من كواليس العرض الخاص لفيلمه الجديد “فاصل من اللحظات اللذيذة” والتي يشاركه في البطولة الفنانة هنا الزاهد.
وظهر في الصورة هشام ماجد برفقة كل من هنا الزاهد ومحمد السبكي ومحمد ثروت.
فيما لاحظ الجمهور نظرة هنا الزاهد لهشام ماجد في الصورة ولا تنظر للكاميرا، وجاءت أبرز التعليقات: “هي بتبصله كده ليه؟.. حد خد باله من النظرة”، “يارب واحدة تبصلي بالنظرة دي”.
سبب انفصال هشام ماجد عن أحمد فهمي
وفي وقت سابق، كشف هشام ماجد عن سبب انفصاله فنيًا عن أحمد فهمي وشيكو، موضحًا أنه نشب العديد من الخلافات بينهم.
وقال هشام: “احنا إصحاب من الجامعة، ولما جينا نعمل الرجل العناب فيلم، بعد ما عملناه مسلسل، اتفقنا أن أحمد فهمي هو اللي هيكتب هو وشريف نجيب بس، عشان ميحصلش مشاكل”.
وتابع: “لما فهمي كتب الفيلم، أنا وشيكو كان عندنا اعتراضات على الفيلم، وفهمي شاف أن ده عدم تقدير له، فـ قفشنا في الجزء ده، وقررنا أننا منعملش الفيلم سوا، وفهمي قرر أنه ينفصل ويشتغل لوحده.”
وأضاف: “كان بقالنا كتير بيحصل خناقات بس ومبتبانش للناس، وطول الوقت كان فيه اختلافات، ومفيش فرقة مبيحصلش فيها اختلافات، ومحدش بيكمل وقليل اللي بيكمل”.
وتابع: “أما حصل نفس الكلام، وبرضو پنتخانق أنا وشيكو بس مبتوصلش أننا ننفصل، وممكن نشتغل مع بعض إحنا التلاتة، بس منرجعش نبقى فرقة تاني، لأن خلاص كل واحد عمل شغل لوحده ونجح”.
فيلم “فاصل من اللحظات اللذيذة”
طرحت الشركة المنتجة لفيلم «فاصل من اللحظات اللذيذة» البوستر الرسمي للفيلم.
وظهر على البوستر أبطال العمل، وهم هشام ماجد، وهنا الزاهد، ومحمد ثروت، ومن المقرر طرح الفيلم في عيد الفطر المقبل.
ومنذ شهور عبر صفحته على موقع «الفيسبوك» نشر هشام ماجد صورة له بصحبة هنا الزاهد من أحداث العمل وعلق قائلًا: «على العيد الصغير إن شاء الله».
